मनाङ — लगातारको हिमपातका कारण तिलिचो बेस क्याम्पमा अलपत्र परेका करिब ७५० जना पर्यटकलाई नेपाली सेनाको टोलीले सकुशल उद्धार गरेको छ। तीन दिनदेखि बाक्लो हिमपात र चिसो हावाका कारण तिलिचो तालतर्फ गएका पर्यटकहरू बीचमा फसेका थिए।
गएरातिदेखि परेको हिउँका कारण मनाङको तिलिचो बेस क्याम्पमा अलपत्र ७५० जना पर्यटकलाई उद्धार गरी डिस्याङ गाउँपालिका-९ स्थित खाङसार ल्याएको हो।
अन्य ५० जनालाई तिलिचो बेस क्याम्पमा सुरक्षितसाथ राखिएको छ । मनाङ घुम्न गएका पर्यटकलाई खाङसारमा बसोबासको समस्या भएपछि सुरक्षित साथ फर्कने व्यवस्था मिलाइएको बताइएको छ ।
यसैबीच, तिलिचो तालबाट फर्कने क्रममा लेक लागेर बेहोस भएका काठमाडौँ महानगरपालिका-३१ का ४५ वर्षीय वीरेन्द्र रसाइलीलाई सशस्त्र प्रहरी, नेपाल पर्वतीय उद्धार तालिम शिक्षालय मनाङले खाङसारबाट हुम्डे स्वास्थ्य चौकीसम्म ल्याएको छ ।
स्थानीय प्रशासन र सेनाको सहकार्यमा हेलीमार्फत उद्धार कार्य सञ्चालन गरिएको हो। उद्धार गरिएका पर्यटकहरूलाई मनाङ सदरमुकाम चामे र पोखरा पुर्याइएको छ।
मनाङका प्रमुख जिल्ला अधिकारीका अनुसार मौसम स्थिर भएपछिको केही घण्टामै उद्धार कार्य सम्पन्न गरिएको हो। घाइतेहरूलाई उपचारका लागि नजिकैका स्वास्थ्य संस्थामा लगिएको छ भने सबैको अवस्था सामान्य रहेको जनाइएको छ।
