काठमाडौ । ठूला अंकमा लेखिएको ‘१८’ नम्बरको जर्सीसहित जब विराट कोहली ब्याट समातेर मैदानमा उत्रन्छन्, एकछिन दर्शकको नजर अडिन्छ ।
त्यो नम्बर आज करोडौँ फ्यानका लागि एक चिनारी बनेको छ । विराट कोहली अर्थात्, विश्व क्रिकेटमा सर्वकालीन महान्मध्येका एक भारतीय ब्याटर ।
तर, कोहलीका लागि यो केवल जर्सीको नम्बर होइन । यो हो, एउटा गहिरो स्मृति, एउटा ऐतिहासिक दिनको सम्झना हो ।
जसले उनको जीवनको दिशा नै बदलिदियो । धेरैका लागि ‘१८’ सामान्य अंकजस्तो देखिए पनि कोहलीका लागि यो अंक– पीडा, संकल्प र पुनर्जन्मको प्रतीक बनेको छ ।
