काठमाडौँ ।जल तथा मौसम विज्ञान विभागका अनुसार आज देशका पूर्वी र तराईका केही भागमा भारी वर्षाको सम्भावना रहेको छ। विशेषगरी कोशी र मधेस प्रदेशका केही स्थानहरूमा मेघगर्जनसहित वर्षा हुन सक्ने अनुमान गरिएको छ। लगातारको वायुप्रवाह र मनसुनी गतिविधि अझै सक्रिय रहँदा ती क्षेत्रहरूमा जलस्तर बढ्ने जोखिम पनि रहेको विभागले चेतावनी दिएको छ।
तुलनात्मक रुपमा आजदेखि मौसममा सुधार आउने मौसम पूर्वानुमान महाशाखाले जनाएको छ। आइतबार कोशी र मधेस प्रदेशका केही स्थानमा भने भारी वर्षाको आकलन गरिएको छ। वर्षा गर्ने प्रणाली पूर्व सर्दै गएकाले बागमती र लुम्बिनीमा भने सामान्य वर्षा हुने भएको छ।
त्यस्तै, बागमती र लुम्बिनी प्रदेशका अधिकांश स्थानहरूमा हल्का देखि सामान्य वर्षा हुने सम्भावना छ। पश्चिमका गण्डकी, कर्णाली र सुदूरपश्चिम प्रदेशतर्फ भने आंशिक बदली रहने र छिटपुट वर्षा मात्र हुने अनुमान गरिएको छ।
विभागले नदी किनार, पहाडी भूभाग तथा भासिने जमिनका बासिन्दालाई सतर्क रहन आग्रह गरेको छ। साथसाथै, यात्रा गर्ने नागरिकलाई सम्भावित पहिरो, सडक अवरोध तथा दृश्यता कम हुने अवस्थाबारे सचेत रहन सुझाव दिइएको छ।
मौसमी प्रभावका कारण कृषि कार्य, यातायात र दैनिक जनजीवनमा असहजता आउन सक्ने भएकाले स्थानीय प्रशासन र सरोकारवालाहरूले तयारी अपनाउन विभागले विशेष आग्रह गरेको छ।
