काठमाडौं – हार्टफोर्ड बाइकको नेपालका लागि आधिकारिक वितरक इग्निसन अटोले स्टक क्लियरेन्स अफर ल्याएको छ । यस अनुसार धेरैले रुचाउने गरेको मोटरसाइकल हार्टफोर्ड भीआर १५० एचको मूल्य ३ लाख ६० हजार रुपैयाँ मात्र तोकिएको छ ।
यो भन्दा पहिले यसको मूल्य ४ लाख ९० हजार रुपैयाँ थियो । सीमित समयको लागि स्टक रहुन्जेल सम्मका लागि यो मूल्य कायम गरिएको कम्पनीको भनाइ छ । यसका साथमा १० वटा सर्भिसिङ फ्रि, १ वर्षको वारेन्टी लगायतका अन्य सुविधा समेत उपलब्ध हुनेछ ।
अब नेपाली बजारमा नयाँ मोडलको भीआर १५० एच आउने भएको र यसका लागि नै यति धेरै छुटमा हाल उपलब्ध मोडलमा छुट उपलब्ध गराएको कम्पनीको भनाइ छ । अब आउने २०२६ को मोडलको मूल्य ५ लाख २० हजार रुपैयाँ हुने बताइएको छ ।
हार्टफोर्ड भीआर १५० एचमा १४९ सीसीको इन्जिन छ, जसमा ५ स्पिड गियरबक्स उपलब्ध छ । यसको लम्बाई, चौडाई र उचाई क्रमशः २१९० एमएम, ८८० एमएम र १२४० एमएम छ । त्यसैगरी ह्विलबेस १३७५ एमएम छ । १२३ किलोग्राम तौल भएको सो बाइकको अघिल्लो भागमा डबल पेरिस्कोप र पछिल्लो भागमा मोनोसक सस्पेन्सन छ । त्यसैगरी दुवै पांग्रामा डिस्क ब्रेक छ ।
यो बाइकमा क्लासिक र पावरफुल हेडलाइट उपलब्ध छ । ठूलो र फराकिलो टायर छ । त्यसैगरी डिजिटल मिटर र अपसाइड डाउन फोर्क छ ।
सन् २००० देखि नेपाली बजारमा उपलब्ध भीआर बाइक लोकप्रिय डर्ट बाइक हो ।
